Juan Mari Beltranek ‘Soinu-Tresnak Euskal Herri musikan 1985-2010’ cd-dvd-a eta liburuxka aurkeztuko du ostiralean Donostiako elkar aretoan.

Lan hau duela 20 urte kaleratu zuen, baina orain berriturik aurkeztuko du.

Euskal Herrian bizirik iritsi zaizkigun soinu-tresnak aurkezten ditu lan honek. Jatorrizko jotzaileek erakutsiko digute hori guztia, lan honek ematen duen neurrian.Helburu zabala eta era berean zehatza zuten 1980ko hamarkada hasieran proiektu hau aurkeztu zutenean. Euskal Herriko berezko musikan, gure garaira arte erabilitako soinu-tresnen aurkezpen orokorra egin nahi zen, baita soinu-tresna bakoitzaren ezaugarri, funtzio eta aldaeren azalpenak eman ere.

Bideoan ikus dezakezue Juan Mariren beraren gonbidapena.