HM Udazkeneko kontzertua: Txorbela otxotea (Euskal Herria) / Canta se gausas (Bigorra)

2022 Urria 15 - 2022 Urria 15 / Oiartzungo udaletxea / 18:30 / 5 euro

Udazkeneko kontzertua Oiartzungo Udaletxean ospatuko da. Urriaren 15ean izango da arratsaldeko 6 t'erdietan.

Euskal Herriko musika emango duena Arrasateko Txorbela Otxotea izango da. Gure inguruko abesbatzetan aritu diren hamasei abeslarik osatutako taldea da; ahots grabeko abeslariak dira guztiak. Errepertorio zabala eta aberatsa du Txorbela Otxoteak, nagusiki euskal musikako polifonian eta folklorean oinarritutakoa.

Euskal musikaz gain, Bigorrako musika entzuteko aukera izango da oraingo kontzertuan. Gaskoiniako lurralde horretakoa da Canta se gausas! (Kanta ezak ausartzen bahaiz!) elkartea. Gaskoiniako Pirinioetako herri tradizioa ezagutzera ematea du helburu, nagusiki Bigorra eta Biarnoko ahozko tradizioko polifonia eta Gaskoiniako musika eta dantza tradizionala. Elkartea makina bat musikari taldek osatzen dute, eta horietako bi dira Oiartzunen izango direnak: Allegria eta Sorinas.

Allegria zazpi gizonez osatutako taldea da. Abesteko era sakona, indartsua eta askea dute. Haien kantuak beren mendien arima eta izaera transmititzen ditu.

Sorinas, gaskoieraz ahizpak esan nahi duena, Bigorrako lau emakumez osatutako taldea da. Ahozko tradizioko polifonia lau ahotsetan biziarazten dute mendiko kantuen estetika babestuan.

Sarrera 5 eurokoa izango da.

Txorbela otxotea (Euskal Herria) / Canta se gausas (Bigorra)

Cookieen kustomizazioa

Cookies Analytics

Webgune honek hirugarrenen cookieak erabiltzen ditu erabiltzaile kopurua zenbatzeko eta eskainitako zerbitzuari ematen zaion erabileraren neurketa eta azterketa estatistikoa egin ahal izateko. Horretarako, gure webgunean zure nabigazioa aztertu egiten da, eskaintzen ditugun produktu edo zerbitzuen eskaintza hobetze aldera, Google Anlytics cookiearen bidez.

Sare sozialetan partekatzeko cookieak

Sare sozialetan partekatzeko osagarri batzuk erabiltzen ditugu, sare sozialetan gure webguneko orri batzuk partekatu ahal izateko. Osagarri horiek cookieak jartzen dituzte, orria zenbat aldiz partekatu den ondo ikusteko.