Soinuenearen ondoan dagoen Auzokalte elkartean izango den kontzertuan Gwilym Rhys & Elydir Glyn galestarrak eta Balen Lopez de Munain & Paola Zannoni ariko dira.

Galestar bikoteak gitarra eta biolinarekin lagundutako abestiak kantatuko ditu.

Balen Lopez de Munain eta Paola Zannonik, berriz, gitarra eta txeloarekin jotako piezak ekarriko dituzte, beti ere gitarra protagonista nagusi duen egitarauarekin.

Kontzertuko sarrerak 5 eurotan izango dira salgai, afaltzeko aukera ematen duten 20 euroko sarrerak ere badaude, eta Soinueneara deitu edo idatziz erreserba daitezke.