HM Eskola eguna
2006 Maiatza 28 / HM Txokoak kudeatzen duen Oiartzungo Herri Musika Eskolak maiatzaren 28an eta bigarren aldiz, eskolaren ikasturte bukaera ospatu zuen. Egun ederra benetan, bai musika aldetik eta bestelako giroa aldetik ere bai. Eguerdiko 12etan Kontsejupean txalaparta, alboka, dultzaina eta herri perkusio ikasleek, irakasleen laguntzarekin, mota ezberdinetako taldeak osatuz musika emanaldi ona, era askotakoa eta entretenigarria eskaini zuten.
Ondoren, musika jotzen kale-buelta eginez, Lartaun Elkartera joan ginen eta bertan bazkari onaren ondoren musika, kantu eta dantzez beteriko bazkalondo aparta izan genuen.
Arratsaldeko zazpi eta erdi aldean Oiartzungo plaza inguruan festa ordu txikiak jo arte luzatu zen.
HM Eskola Eguneko momentu bat