Fitxa osoa
Beste gizarte orok bezala, Euskal gizarteak ere, mendeetan zehar bere poz-neke eta sentimenduen adierazle bikaintzat har genezaken herri musika propioa garatu izan du, bertsogintzarekin lotura estuan eta gaur oraindik, bihotzak taupa egiten jarraitzen dio. Ezin esan, ordea, zailtasunik gabeko bidea egiten ari denik, industrializazio garaiak lehenik eta industri osteko garai aldakorrak ahalegin berezia eskatzen du herri musika eta bertsolaritzaren geroratzeak.
Bizirik dirauenaren lekuko hor ditugu, bakoitza bere aldetik eta urteetako lanaren ondorio, bi elkarte: HERRI MUSIKAREN TXOKOA alde batetik eta BERTSOZALE ELKARTEA bestetik, ahalegin betean bakoitzak bere kultur eremua jorratzen. Ahalegina ez hutsal izaki, Oiartzungo Herri Musikaren Txokoan edo bertsolaritzaren Xenpelar Dokumentazio Zentroan jasotako dokumentazio oparoak azaleratzen du egindakoa. Eginari jarraiki luberri bila hasi eta bi elkarteen artean gogoeta ekimen bat antolatzea erabaki da. Herri musika eta bertsolaritzaren arteko harremana abiapuntu, ibilbide luzeago baterako entrendu gisa. Herri musika eta bertsolaritzaren beharginen eseraldia eta jendaurrerako jaialdiak antolatu dira, musika eta bertsolaritzaz blai egi-teko. Gura duen oro gonbidatua dago parte hartzera, ondo pasa eta lo ez hartzera, geroa baita apustu.
EGITARAUA
AZAROAK 30, LARUNBATA
10:00 ARRITXULO ATERPETXEAN Bertsolaritza herri musikaren altxorra, biltegi, sortzaile, eragile,... mintegia.
Joanito Dorronsoro: Bertso Doinutegia: altxor baten lekuko
Juan Mari Beltran: Bertsolaritza herri musikaren sortzaile eragilea
Andoni Egaña: Bertxoa neurriaren musika
Moderatzailea: Iñaki Eguren
17:00 HM Txokora bisita
19:00 Oiartzungo Udaletxeko Areto nagusian: Bertso Doinu Emanaldia Euskal Herriko bertso musika ezberdinak kokapen geografikoan.
Gure joera jarraituz, Euskal Herritik kanpoko ordezkaritza edukiko dugu. Horretarako Galiziako "regueifa" aurkeztuko dugu.
Ekialdea (Zuberoa), Jean Mixel Bedaxagar
Erdialdea (Gipuzkoa), Oiartzungo taldea
Mendebaldea (Bizkaia): Jon Enbeita
Galiziako "regueifa". Modu ezberdinetan emana: "regueifa"k, desafioak, bapatekoak, itsuen erromantzeak zanfonarekin, ... Anton Castro eta Xaneko Tubio
19:00 BERTSO AFARIA
ABENDUAK 1, IGANDEA
Erromeria / Koplagintza dantzan: XX. Mendearen erdialde bitartez, Oiartzun aldea Gipuzkoako alde honetako "Bilera" edo erromeri toki ospetsua izan da. Horregaitik lotu nahi izan dugu Erromeri giroko herri musika, alegia dantza musika eta bertsolaritzan hain garrantzitsua izan den koplagintza.
10:30 ARRITXULO ATERPETXEAN Koplagintza dantzan / Erromerian mintegia
Iñaki Irigoien: Euskal herri dantza kantatuak
Xabier Amuriza: Koplagintzaren ezaugarrian
Moderatzailea: Iñaki Eguren
17:00 Oiartzungo Herriko Plazan (Doneztebe plaza) Erromeria
17:00 Erromeriari buruz Oiartzungo Bertso Eskolak idatzitako bertso berrien aurkezpena kantatua
17:15 Oiartzungo Bertso Eskola
17:45 Lartaun Txistulari Taldea
18:15 Torrelavegako Pandereterak
18:45 Hernaniko Dultzaineroak
19:15 Oiartzungo Trikitixa Eskola
19:45 X. Amuriza-J. Tapia-X.Leturia
Antolatzaileak: HERRI MUSIKAREN TXOKOA, EUSKAL HERRIKO BERTSOZALE ELKARTEA, OIARTZUNGO BERTSO ESKOLA
Babeslea: Oiartzungo Udala
Laguntzaileak: Arritxulo Aterpetxea, Auzokalte Ergoiengo Auzo Elkartea, Oiartzungo Trikitixa Eskola, Lartaun Txistulari Taldea, Euskal Dantzarien Biltzarra
