Berriak / BestelakoakAlbokarien 13. Hernaniko Topaketa
2006 Iraila 23 - 2006 Iraila 24
HERNANI Musika Eskola Publikoko Albokari Taldeak eta Euskal Herriko albokarien laguntzarekin, 1994. urteaz geroztik ohitura bilakatu den albokarien Hernaniko topaketa antolatu du.
Albokazale guztientzat jadanik ezinbestekoa bilakatu den topaketa hauen helburu nagusiak zera dira: Euskal Herriko albokari eta alboka ikasleei elkar ezagutzeko eta elkartzeko
aukera ematea. Alboka munduan ematen ari diren berrikuntzak eta lantzen ari diren musikak ezagutarazteko aukera ematea. Jende arruntari eta bereziki gure eskualdekoei soinu-tresna hau eta bere musika ezagutaraztea eta gerturatzea.
Horrela, Euskal Herriko Albokarien Hernaniko 13. Topaketa hau, 2006ko irailaren 23 eta 24ean ospatuko dugu. Beraz, azken urtetan izan den bezala, aurtengo edizio hau ere bi
egunetakoa izango da.
Aurrekoetako eskema jarraituz, edizio honetarako egitarau interesgarria prestatu dugu, horrela irailaren 23 larunbatean, Mariano Barrenetxearen ekarpenak abiapuntu izango duen emanaldia entzuteko aukera izango dugu, HERNANI Musika Eskolako Albokari Taldearen eskutik.
Irailaren 24 igandean alboka musika ez da faltako Hernani aldean eta horrekin batera alboka egileek prestatutako azken berrikuntzak.
Webgune honek cookieak erabiltzen ditu, propioak zein hirugarrenenak. Hautatu nabigatzeko nahiago duzun cookie aukera. Guztiz desaktibatzea ere hauta dezakezu. Cookie batzuk blokeatu nahi badituzu, egin klik "konfigurazioa" aukeran. "Onartzen dut" botoia sakatuz gero, aipatutako cookieak eta gure cookie politika onartzen duzula adierazten ari zara. Sakatu Irakurri gehiago lotura informazio gehiago lortzeko.
