Maiatzaren 16an hasiko da Hernaniko Txalaparta Festaren 29. edizioa bihotza” Aitzol de Karlos argazkilariaren argazki erakusketaren inaugurazioarekin. Erakusketa hau Hernaniko Joxe Mari tabernan maiatzaren 23 arte ikusgai egongo da.
Aurten Biteri Kultur Etxean Munduko Beat ariko da. Aurkeztuko duten proiektuak tradizioa eta abangoardia uztartzen ditu txalaparta eta elektronikaren bidez. Emanaldi hau maiatzaren 22an izango da.
Hurrengo egunari hasiera erromeriak emango dio Hernani Musika Eskola Publikoko dultzainero, albokari, trikitilari eta txistularien kale-bueltekin. Segidan txalapartari eta txalaparta zaleak biltzen dituen bazkari herrikoia izango da. Arratsaldean berriz, Euskal Herriko bazter ezberdinetatik etorritako taldeen txalaparta joaldiak entzuteko aukera izango da.
Eguna bukatzeko, eta berekin aurtengo Txalaparta Festa, DJ Barru eta hainbat txalapartariren artean Txalaparta Party Aparta girotuko dute Atxur tabernan.